寫信  聲音演員

條春伯 / 張至宏
阿欽 / 蘇聖富
阿母 / 翁昭雯
阿福嫂 / 吳秋娜
阿伯 / 王家仁
阿婆 / 林秋霞
阿好嬸 / 劉玉玲
阿美 / 陳安儀
阿文 / 陳義儒
鄰居 / 黃之綠
鄰居 / 劉玉玲
鄰居 / 吳秋娜

台語教室

翻譯挑戰
國立成功大學

閱讀吳念真全民徵文

 讀念 / 郭品惠

作者/郭品惠(退休教師，新北市)      

 吳念真導演佇2015年倡議「Be a giver」，伊講臺灣需要一場互相幫助的社會運動。 2024年5月下旬，黃酸仔雨落佇台北街頭。雨水滴落塗，變做一隻一隻青色的鳥仔飛向立法院，一聲一聲向藍、白兩黨政客呼籲，要求in停止傷害國家的惡質法案。想袂到藍、白烏心的政客一心想欲搦權，完全無共人民表達的意志看在眼內，硬欲共橫柴夯入灶。

少年的青鳥只好勇敢搢風淋雨，飛向臺灣的街頭巷尾，一陣一陣沃佇臺灣的雨化作一群一群的青色鳥仔，喝醒全臺灣的大眾，嘛喝醒全世界對臺灣的注目。

遮濟沃甲澹糊糊的少年青鳥飛向四界的勇氣是對佗位來的咧?就是對臺灣的長輩序大的鼓勵佮支持而來。濟濟「課金阿公、阿嬤」有錢的出錢，有智慧的出計劃，贊助少年青鳥資源，指引方向，予臺灣的少年輩認捌是非，了解民主真正的價值。

這就是導演倡議「Be a giver」的精神，條春伯共伊講：「咱有能力的時，愛去想咱會使替別人做啥物?」導演將這句話傳傳予咱，呼籲逐家做一个會曉付出奉獻的人。佇「青鳥行動」中，濟濟的長輩序大體力無夠矣，飛袂起來矣，毋過為臺灣拍拚的熱情猶原在。所以in展開雙手，替少年青鳥遮風閘雨。導演共咱講：「咱這代的人應該佮新一代的人做伙學習，去面對一款新的可能。」一代一代的臺灣人為著主權獨立、民主自由奮鬥拍拚，頂一代人的付出奉獻嘛需要下一代人繼續傳傳。吳導演講：「台灣這馬上重要的是一个逐家攏會當相信的代誌」，我想，這个逐家攏相信、攏向望的代誌就是咱欲過主權獨立、民主自由的生活。