聲音演員

阿母 / 林佩瑛
大漢欽仔 / 張國煒
細漢欽仔 / 陳義儒
小弟 / 蘇聖富
小妹 / 陳安儀
少年阿母 / 黃煜安
阿爸 / 柯凱訢
阿公 / 謝鎮嶸
阿媽 / 林美珍
筊跤A / 陳尚季
筊跤B / 黃芳儀
筊跤C / 王家仁
厝邊阿伯 / 林怡呈
厝邊阿姨 / 黃芳儀
大漢的小妹 / 李佩恩

台語教室

翻譯挑戰
國立成功大學

閱讀吳念真全民徵文

 讀念 / 孫靜思

作者/曾琬瑜(台南市立善化國中教師、台南市)      

  一開始看到「野菜，憋了幾十年的笑與淚」的篇名，我臆講是念真老師欲寫細漢的時陣，厝裡足散赤只好食野菜，規篇讀煞了後煞毋知是欲笑抑是欲哭。

古早古早番薯食袂飽，文章內底先寫著彼个年代，足濟家庭為著生活，只好tshuā著囡仔四界去挖野菜，轉去厝裡了後經過阿母的料理，有當時仔就成做一頓粗飽。佇文章內底有一改過年的初一透早，念真老師寫著佮阿母的衝突，因為in不佮意豆葉的滋味，不想欲吞落去因為豆葉足粗絲，根本真歹落喉，定定攏是含著目屎共吞落去，看著in按呢阿母就會起性地，罵in：「毋食就枵死，投胎去做好額人的序小！」大漢了後伊才知影阿母心肝內的滿腹委屈，想到生活的無可奈何，逐工干焦有法度予囡仔食豆葉佮豆頭，過著看著一頓看無後一頓的日子，雖然阿母是受氣咧罵in，心肝內煞是滴落辛酸的目屎。

念真老師的文章總是予人會當看到向望的未來，頭幾段是講in誠艱苦的日子，後幾段就雄雄予人看了有想欲笑的衝碰，大人定定講囡仔有耳無喙，彼時的伊一定感覺大人的世界莫名其妙，明明伊講的是事實，大人煞因為伊是囡仔，用一寡仔奇怪的話語去阻擋伊的好玄，閣因為按呢去予大人講伊是白賊七仔，十幾年了後伊嘛大漢矣，阿母佮伊閣講起彼段的往事，阿母當袂牢的笑出來，總算是還予念真老師一个清白，雖罔是看起來足艱苦的往過，煞佇阿伯注射的笑詼當中，放下彼時食野菜的辛酸，佮阿母做伙笑笑繼續過日子。