聲音演員

阿春 / 李泓瑨
阿欽 / 顏晨恩
阿惠 / 孫靜思
人事官 / 張國煒
營長 / 林怡呈
長官 / 張至宏
兵仔A / 郤佳源
兵仔B / 鄧恆昇
兵仔C / 蘇恆新
班長 / 王家仁
阿惠爸 / 謝鎮嶸
阿惠兄 / 林育世

台語教室

國立成功大學

閱讀吳念真全民徵文

 讀念 / 潘君亭

作者/賴恆黎(台語教學支援人員，新北市)

看「人間條件七」ê感想
讀冊ê時就知影吳 sir 是侯孝賢導演ê編劇，閣來嘛做導演。毋過彼陣仔阮猶是散赤ê學生，無法度定定看電影抑是舞台劇，有吳 sir ê 冊通看就足滿足矣。

這中間攏一直有咧注意吳 sir ê作品佮公益活動。2019 年開始入去劇場看「再會吧！北投」，2020 年看「清明時節」，2021 年看「人間條件七」。

2019 年開始湠開ê疫情，台灣佇 2021 到 2022 年上嚴重，逐家無法度入去劇場，吳 sir 規氣共「人間條件」一到六，囥佇網路予逐家看，我才有機會一睏仔看甲透。

「人間條件七」開始賣票了後，因為防疫級數升懸著愛延期，延期煞閣為著防疫愛閬位坐，毋知劇團彼當時是按怎 king 過來ê。聽候甲真正坐佇劇場內底，一開場聽著「我是一片雲….」目屎隨輾落來….。

鳳飛飛ê歌聲伴我行過少女時期。我算是好命，會當有機會靠讀冊改變運命，毋過我ê同學講伊小學畢業就愛去工廠做女工，我身軀邊嘛有足濟姊姊是日時做工暗時讀冊ê。In ê故事就親像「人間條件七」仝款，為著爸母、為著小弟小妹；少年時為著親情做工，拄著愛情是欲放抑毋放？老來繼續為著親情互相折磨，到底是啥人欠啥人？

已經年老ê tsa̋u 囝怨嘆老母彼時共伊tshuā去工廠，包袱仔擲予伊就越頭做伊走，無留落來交代，心肝有夠雄。失智ê老母雄雄應伊：我共 tsa̋u 囝tshuā去，包袱仔擲予伊就越頭緊走，我驚伊看著我哭，我嘛會毋甘啊！