聲音演員

老曾 / 林育世
阿欽 / 李泓瑨
伙房班長 / 柯凱訢
營長 / 林怡呈
伙房兵A / 顏晨恩
伙房兵B / 蘇恆新
伙房兵C / 王家仁
勤務兵 / 鄧恆昇
褒忠人 / 謝鎮嶸
導演 / 賴嘉仕 

台語教室

國立成功大學

閱讀吳念真全民徵文

 讀念 / 林美珍

作者/高靜芬香(母語教師，台東市)

閣較憨嘛知影，米粉愛趁燒食。涼去ê米粉氣味差，礙胃歹消化。但是以生命做鼎；生活做煎匙炒出來的這盤米粉，總是因為現實耽誤漸漸變涼。

現實就是:没權没勢頭，喝人袂振動。所以紀政ê媽媽好心炒ê米粉没銷路。若準換作大官虎倩人食，相挨相kheh嘛欲食一碗。人情薄若紙，一擛米粉就變涼矣。

佮生份人ê現實比，親骨肉的現實毋但是一張紙爾爾，閣較親像一支刴肉斬骨ê菜刀。這支刀仔予咱倔強變軟汫，目睭金金看親人共家己的ê人生囥佇肉砧頂，刴kah碎糊糊、虛裂裂。提來落鼎炒一盤芳貢貢ê米粉，較按怎芳，我想，嘛無人食會落喉。米粉自然慢慢來變涼。

你若掠準按呢著叫做現實，未免傷過樂暢矣。莫名ê運命tsâi是活跳跳ê現實，伊毋爾是刀仔遐爾仔簡單，伊是一支冷箭，刀來你會當覕，箭來你無路閃。生活中的破病、散亦，親像淹大水、做風颱，你較按怎防，天公伯仔若毋準煞嘛是無較縒，這著是現實ê生活。

佇吳念真生先遮篇-米粉涼矣-ê故事內底，咱會當感受著小人物受著現實生活ê拖磨，没人法度ê没奈。無管米粉有偌仔芳，涼矣，著據在伊涼吧!現實ê生活，一盤盤ê炒米粉，涼矣，咱著勇敢配燒滾滾ê目屎作伙吞落去啦!